المكونات للعجينة :
600 غ فارينة - عظمة - 1 خميرة متاع خبز - نصف مغرفة صغيرة خميرة قاطو - 5 مغارف زيت - مغرفة صغيرة ملح - مغرفة كبيرة سكر - حليب دافئ للعجن - أصفر عظمة و جلجلان للزينة للحشو: صوص - موزاريلا- تن - زيتون - جمبون - هريسة - جبن شرائح.....( إختياري ) للصوص : 6 كعبات طماطم - مغرفتين زيت - شوية ملح و فلفل أكحل- مغرفة صغيرة فلفل أحمر - سنة ثوم
الطريقة:
تخلط مكونات العجينة و تعجنها بالحليب حتى تتحصل على عجينة طرية و تخليها تخمر لمدة ساعة وبعد تسمط الطماطم و تنحيلها القشرة و ترحيها و تفوحها بالملح و الفلفل أحكل و الفلفل أحمر و الثوم المرحي و تزيدها الزيت و تخليها تطيب لمدة 10 دق...
تقسم العجينة على 10 كعبورات و تحل بالطرف العجينة و تزين بالحشو و بعد تغطيها بالعجينة ( يعني العشرة كعبورات يعملو خمسة كعبات وحدة تحلها وتعملها بالحشو ووحدة تسكر بيها ) و تسكر الاجناب و تدهن بأصفر العظم و ترش الجلجلان وتحط الفطائر في طبق مفروش بورق الطبخ و تطيبهم لمدة 15دق في 180 درجة و صحة و بالشفاء
